Buke femijerie
Kur aroma e bukës së pjekur e mbush shtëpine time, unë mallëngjehem dhe i kujtoj momentet më të këndshme kur kam qenë fëmijë. Këto aroma më ngjallin ngohtësinë dhe dashurinë e familjes, ajo me kujton duart e arta të nënës sime që cdo dite vikendi kujdesej të pregadiste dicka të veçantë nga brumërat e ndryshëm. Ato aroma janë ende të kendshme dhe ma ngrohin shpirtin me dashuri prandaj edhe unë mundohem të krijoj të njejtën ndjenjë te fëmijët e mi.
Une deshta ta ndaj këtë recetë me ju për arsye se është tejet e lehtë dhe piqet shumë shpejtë. Po shpresoj që edhe juve të pëlqej.
Perberesit
500 gr miell te bardhë (për bukë)
350 ml ujë të ngrohtë
tharmë buke
1 luge mjaltë
2 luge vaj
1 luge kripë
100gr susam
Pregaditja
Përzihen të gjithë përbëresit të krijohet një brumë i butë.
E mbulon dhe e len me ardhë derisa të dyfishohet masa.
Pastaj e ndan brumin në bukë të vogla.
Tepsinë e pregaditë duke e mbuluar me letër për pjekje apo shtresë silikoni.
Secilën bukë e lyen me pak ujë dhe menjëhere e rrotullon në një enë ku e keni hedhur susamin. Kjo është mënyra më e lehtë që susami të ngjitet mirë në brumë.
Tepsinë e mbuloni dhe e futni në frigorifer të qëndrojë gjatë natës.
Në mëngjes së pari e pregaditni furrën duke e ngrohur në temperaturë 250 ºC.
Një tepsi tjeter e futni në furrë per ta nxhehur mirë dhe i transferoni bukët e vogla së bashku me letren për pjekje apo shtresën e silikonit.
E futni tepsinë në furrë dhe buket piqen vetëm për 10 minuta.
