Biskota te shkrifta

E diela duhet te ishte dite per te pushuar dhe relaksuar. Mirepo ja qe une perpiqem te kompletoj shume pune qe jane grumbullur nga java e kaluar, e besoj edhe shume nga ju e beni te njejten gje:) Nje pjese te kesaj te diela ja kushtova pregaditjes se ketyre biskotave se besoja qe do te jene shume te shijshme. Po ju them te verteten se jane te shkrifta dhe aroma e tyre eshte e mrekullueshme.

Besoj qe shume nga ju keni pregaditur biskota te thjeshta me gjalpe, ato qe te shkrihen ne goje:) Por une u perpoa qe ti pregadise keto biskota por me miell hikrre per ti bere biskota pa gluten. Ne fakt hikrra nuk eshte drither po eshte fare me vlera ushqyese, gjindet poshte ne indeksin glikemik dhe mbron organizmin nga demtimi i qelizave dhe inflamacioneve.

Mirepo per arsye se nuk permban gluten eshte shume veshtire te punohet me te. Ne kete recete une i kam bere dy verzione, njera eshte krejtesisht pa gluten e tjetra permban pak miell te bardhe. Te dyja verzionet kane shijen e njejte por gjate shtrirjes se brumit eshte me veshtire eshte te punohet me ate qe nuk permban gluten. Poashtu tekstura e brumit varet edhe nga lloji i miellit qe e perdorni, disa lloje te miellit te thikres jane te bluar shume imet e disa jane me te trashe. Nese tekstura e brumit te pregaditur ju duket me e holle shtoni me shume miell dhe anasjelltas.
 

Perberesit

• ¾ gote miell hikrre

• ¼ gote miell pa gluten (apo miell tjeter)

• 2 luge mjalte

• ½ gote gjalpe te zbutur (ose mund te perzieni me gjalpe kokosi)

• 100 gr cokollate te shkrire
• Arrore te ndryshme te grimcuara per dekorim

Pregaditja

 Furra nxehet paraprakisht ne 180 ℃. Tepsia shtrohet me leter per pjekje.
Te gjithe perberesit perzihen mire derisa te krijohet nje mase e bute. Shtrihet ne siperfaqe ne te cilen qitet pak miell. Me teholluese e hapni brumin dhe i preni biskotat me kallep te formes se preferuar.
Piqen ne furre per 10-12 minuta apo derisa te skuqen pak.
Derisa biskotat te ftohen e pregaditni cokollaten duke e shkrire ngadale. Pastaj e lyeni gjysmen e biskotes ne cokollate dhe i sillni ne arroret e grimcuara.